Regekampf “Neftçi”dən getdi - RƏSMİ

“Neftçi” baş məşqçi Laurentsiu Regekampfın gedişini rəsmən açıqlayıb.

Futbolxeber.az saytının məlumatına görə, klubun feysbuk səhifəsində bununla bağlı yer alan açıqlamada deyilir:

- “Neftçi” PFK-nın Müşahidə Şurasının qərarı ilə əsas komandanın baş məşqçisi Laurentsiu Regekampf, köməkçi məşqçilər ö Viorel Dinu, Nikolay Qriqori, fiziki hazırlıq üzrə məşqçi Boqdan-Kornel Merişanu və qapıçılar üzrə məşqçi Florin Tene ilə müqavilələrə qarşılıqlı razılaşma əsasında xitam verilib. Göstərdikləri xidmətə görə baş məşqçi və köməkçilərinə təşəkkür edir, gələcək işlərində uğurlar arzulayırıq.

Yeni baş məşqçi haqqında ictimaiyyətə məlumat veriləcək.

Qeyd edək ki, 2022-ci ilin iyunundan “Neftçi”ni çalışdıran Laurentsiu Regekampf 2022/23 mövsümündə “ağ-qaralar”la Premyer Liqanın bürünc medallarını qazanıb, Azərbaycan Kubokunun finalçısı olub. “Neftçi” rumıniyalı mütəxəssisin rəhbərliyi altında 45 rəsmi oyun keçirib. Bu matçlardan 24-ü flaqmanın qələbəsi, 8-i heç-heçə, 13-ü isə məğlubiyyətlə başa çatıb.

Futbolxeber.az-ın teleqram kanalına abunə olun