Rəşad Sadıqov: "Aleksandr Səmədova başa saldım ki..."

"İlk 5-10 dəqiqədə biz öz futbolumuzu oynadıq. Rəqib də üstünlüyə sahib deyildi. Sözün açığı, erkən qol buraxacağımızı gözləmirdik. Bundan sonra rəqib üstünlüyə malik idi ki". Futbolxeber.az-ın məlumatına görə, bu sözləri Rusiya ilə oyundan sonra millimizin kapitanı Rəşad Sadıqov deyib. Təcrübəli müdafiəçi rəqibin üzvü Aleksand Səmədovla oyundan sonra aralarında olan söhbətdən də danışıb: "Fasilədə ilk yarıdakı oyunumuzu müzakirə etdik və qərara gəldik ki, uduzmağa haqqımız yoxdu. Fərqlənmək üçün standart epizod gözləyirdik. Şadam ki, belə də oldu. Oyundan sonra Səmədov mənə yaxınlaşdı. Onunla aqressiv şəkildə danışmaq istəmirdim. Ondan dediyi sözlər barədə soruşdum. Səmədov da bildirdi ki, "cəzalandırmaq" deyərkən, başqa mənanı nəzərdə tutmayıb. Mən isə ona başa saldım ki bizdə "cəzalandırmaq" sözünün başqa mənası var. Azərbaycanlı kimi Səmədov "cəzalandırmaq" sözünün mənasını bilməlidir. O da məni anladı. Bu nəticə ilə biz Rusiya mətbuatına cavab verməyi düşünmürük. Düşünürəm ki, gələn tsikldə daha çox xal toplayacağıq".