“Qəbələ”nin kapitanı üçün mövsümü bitdi

“Qəbələ”nin kapitanı Asif Məmmədov üçün mövsüm erkən yekunlaşıb.

Futbolxeber.az saytının məlumatına görə, Azərbaycan Premyer Liqasının 34-cü turunda “Turan Tovuz”a qarşı keçirilən matçın ikinci yarısında zədələnən təcrübəli yarımmüdafiəçi bu mövsüm bir daha meydana çıxa bilməyəcək.

Bu haqda komandanın baş məşqçisi Elmar Baxşıyev “Turan Tovuz”la matçdan sonra təşkil olunan mətbuat konfransında məlumat verib. Baxşıyev digər zədəli Feras Abu Akalın durumuna isə tibbi müayinədən sonra aydınlıq gələcəyini bildirib.

Xatırladaq ki, “Turan Tovuz”la matçın 19-cu dəqiqəsində zədələnən Feras Abu Akalın yerinə meydana Asif Məmmədov daxil olub. İkinci hissənin sonuna yaxın isə Məmmədov əzələsini dartaraq meydanı xərəkdə tərk edib.