"Qarabağ" 10-cu dəfə Azərbaycan çempionu oldu

Azərbaycan Premyer Liqasında 34-cü turun oyunları davam edir.

Futbolxeber.az saytının məlumatına görə, günün ilk matçı Qəbələdə oynanılıb. Meydan sahibləri öz meydanında “Turan Tovuz”a uduzub.

Günün ikinci qarşılaşmasında "Qarabağ" "Səbail"in qonağı olub. Görüş Ağdam klubunun 3:0 hesablı qələbəsi ilə başa çatıb. Nəticədə Qurban Qurbanovun komandası sona 2 tur qalmış xallarının sayını 87-yə yüksəldib və 2-ci yerdəki "Sabah" (33 oyun, 77 xal) üçün əlçatmaz olub. Bununla da "Qarabağ" tarixində 10-cu dəfə Azərbaycan çempionu olub.

"Qarabağ" belə nəticə ilə Azərbaycan rekordunu qırıb. İndiyədək heç bir komanda 10 dəfə ölkə çempionu ola bilməyib. “Neftçi”nin aktivində 9 çempionluq var.

Əlavə edək ki, turun digər oyunları 14 və 17 may tarixlərində keçiriləcək.

Azərbaycan Premyer Liqası

XXXIV tur

13 may (şənbə)

"Səbail" - "Qarabağ" - 0:3

Qollar: Bəhlul Mustafazadə, 71, (0:1), Ramil Şeydayev, 77-pen. (0:2), Ramil Şeydayev, 86 (0:3)

Hakimlər: Kamal Umudlu, Akif Əmirəli, Eyyub İbrahimov, Kamranbəy Rəhimov

"ASCO Arena".

"Qəbələ" - "Turan Tovuz" - 1:2

Qollar: Sadiq Quliyev, 54 (0:1), Rafael Utziq, 61 (1:1), Xulu Siyanda, 90+5 (1:2)

Qırmızı vərəqə: Urfan Abbasov, 56 ("Qəbələ")

Hakimlər: Nicat İsmayıllı, Pərvin Talıbov, Şirmamed Mamedov, Rəvan Həmzəza Hakimlər: Nicat İsmayıllı, Pərvin Talıbov, Şirmamed Mamedov, Rəvan Həmzəzadə

Qəbələ şəhər stadionu.

14 may (bazar)

20:30 "Neftçi" - "Şamaxı"

17 may (çərşənbə)

19:30. "Sumqayıt" - "Sabah"

12 may (cümə)

"Zirə" - "Kəpəz" - 1:1