”Xəzər Lənkəran” Bakıda toplanışa başladı

Üç günlük istirahətdən sonra “Xəzər Lənkəran” bir araya gəlib. Futbolxeber.az-ın məlumatına görə, Lənkərandakı hazırlıqdan sonra qısamüddətli istirahətə buraxılan komanda dünən axşam saatlarında Milli olimpiya komandalarının təlim-məşq bazasının süni örtüklü meydançasında məşqə çıxıb. Con Toşakın rəhbərliyi altında keçirilən məşqdə milli komandalarda olan 5 futbolçudan savayı bütün futbolçular iştirak edirdi ki, bir saat davam edən hazırlıqda futbolçular əsasən toplu çalışmaları yerinə yetirdilər.