"Heç-heçə bizə maraqlı deyil"

"Rəqibin Şimali İrlandiya ilə oyununun videoyazısını izlədim. Azərbaycan millisi həmin oyunda qələbəni haqq etdi. Moskvadakı oyunla müqayisədə Azərbaycan millisinin heyətində xeyli dəyişiklik olub".Futbolxeber.az-ın məlumatına görə, bu sözləri Rusiya millisinin baş məşqçisi Fabio Kapello deyib. Bu gün Bakıda mətbuat konfransı keçirən italiyalı mütəxəssis sabahkı matça ciddi hazırlaşdıqlarını qeyd edib: "Oyuna ciddi hazırlaşmışıq və sabah öz oyunumuzu göstərməyə çalışacağıq. Bizə yalnız bir nəticə lazımdır - qələbə. Heç-heçə bizə maraqlı deyil. Bundan öncə olduğu kimi sabah da yalnız qələbə üçün oynayacağıq. Təbii ki, oyunöncəsi müəyyən qədər narahatçılıq var. Bu oyun bizim çox vacibdir".