“Səbail” “Qəbələ” ilə oyuna görə 12600 manat cərimə ödəyəcək

Bu gün AFFA İntizam Komitəsinin iclası keçirilib.

Futbolxeber.az saytının məlumatına görə, 27.04.2023-cü il tarixində Azərbaycan Kubokunun 1/2 final mərhələsinin “Səbail” - “Qəbələ” oyununda “Səbail” klubunun futbolçusu Vüqar Həsənov ikinci sarı vərəqədən qırmızı vərəqə aldığına görə 1 oyun cəzalanıb, klub 200 manat cərimə edilib. Eyni cəzaya Qustavo de Fransa və Adil Nağıyev də məruz qalıb. Bundan başqa, 3 futbolçusu qırmızı vərəqə aldığına görə “Səbail” klubu əlavə 4800 manat cərimə edilib.

Oyunu bitdikdən sonra meydançaya kənar şəxslər daxil olduğuna görə “Səbail” klubu əlavə 1600 manat, meydançaya kənar əşyalar atıldığına görə də 1600 manat cərimə edilib.

Matçın rəsmi şəxslərinin ünvanına “Səbail” azarkeşləri tərəfindən kütləvi şəkildə qeyri-etik ifadələr işlədildiyinə görə “Səbail” klubu daha 4000 manat cərimə edilib.