Emin Mahmudov: “Əsas məsələ rəqibə oynamağa imkan verməməkdir”

“Komanda olaraq oyuna tam hazırıq. Rəqibin oyunlarını izləmişik, üstün və zəif cəhətlərini bilirik. Son oyunlarda nümayiş etdirdiyimiz oyunumuzu davam etdirməliyik”.

Futbolxeber.az saytının məlumatına görə, bu sözləri millimizin kapitanı Emin Mahmudov Avstriya ilə qarşılaşma barədə danışarkən deyib.

Oyunöncəsi mətbuat konfransına qatılan təcrübəli yarımmüdafiəçi rəqibə oynamağa imkan verməməyə çalışacaqlarını bildirib:

“Komandada əhval-ruhiyyə yaxşıdır. Avstriya yaxşı pressinqə malik rəqibdir, sıx oynayır. Təbii ki, əsas məsələ rəqibə oynamağa imkan verməməkdir. Son oyunlarda ardıcıl qələbə seriyası yaxalamışıq. Çalışacağıq ki, uğurlu seriyanı davam etdirək”.