15 Iyun 2024, Şənbə
Avro-2024-ün ilk qolu vuruldu
Musa Qurbanlı “Qarabağ”a qayıtdı
Avro-2024: Futbolxeber.az-la qazan!
Davit Volkov yenidən “Zirə”də

Ölkə futbolu

Elmar Baxşıyev: “Qarabağ”dan çəkinmədik, öz oyunumuzu göstərməyə çalışdıq”

“Oyunun ağır keçəcəyini əvvəldən bilirdik. “Qarabağ” çempionatın ən yaxşı komandalarındandı. Oyuna yaxşı başladıq. Futbolçular meydanda istədiyimiz oyunu göstərirdilər. Ümumi götürdükdə, komandamdan razı qaldım. Rəqibdən çəkinmədik və öz oyunumuzu göstərməyə çalışdıq. Müəyyən səhvlərimiz oldu. Bu da rəqibin təzyiqindən irəli gəlirdi”.

Futbolxeber.az saytının məlumatına görə, bu sözləri “Qəbələ”nin baş məşqçisi Elmar Baxşıyev Azərbaycan Premyer Liqasının XXV turunda “Qarabağ”a 1:3 hesabı ilə uduzduqları oyundan sonra deyib.

Təcrübəli mütəxəssis rəqibin gücünə baxmayaraq, müdafiə futbolu oynamadıqlarını vurğulayıb: “Top rəqibdə olanda təbii ki, müdafiə olunmalısan. Amma biz futbolçulardan rəqibi öndə qarşılamağı tələb edirik. Biz o komandalardan deyilik ki, tamamilə müdafiəyə qapanaq və oyun ərzində cəmi 1-2 epizod gözləyək və onu dəyərləndirməyə çalışaq. Heyətimizdə olan futbolçularda da hücumda oynamağa impuls verir. Ona görə də komandadan hücum futbolu tələb edirik”.

“Qəbələ”nin çalışdırıcısı qol epizodlarını boşa vermələrinə belə münasibət bildirib: “Qol epizodları yaratmaq özü belə güc tələb edir. Komanda şəklində şansları yaxalayırıq. Yalnız dəyərləndirmədə bir qədər çətinliklər var. İstənilən halda, gördüklərimiz bizə inam verir”.

Elmar Baxşıyev “Qəbələ”nin heyətində legionerin çox olması haqda sualı belə cavablandırıb: “Heyətə baxdıqda start heyətində 5 legioner, 6 yerli futbolçu çıxmışdı. Mən futbolçunun legioner, yaxud yerli olmasına çox da önəm vermirəm. 23 nəfərlik heyətimiz var və hər tur kim daha layiq olursa, meydana da o çıxır”.

İbrahim CƏFƏROV

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyun 2024
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30