21 May 2024, Çərşənbə axşamı
Mövsümün bəxtsizi - “Səbail”
"Qarabağ"dan son 27 ilin rekordu
"Ən zəif oyunlarımızdan biri idi"
"Qəbələ"dən ardıcıl 3-cü qələbə

Ölkə futbolu

Aslan Kərimov mütəxəssisdi, “Qarabağ”ın həkimi, yoxsa uzaqgörən?

Azərbaycanda bir qrup məşqçi var ki, harada çalışmalarından asılı olmayaraq “Qarabağ”a simpatiyalarını hər fürsətdə büruzə verirlər. Məsələn, “Səbail”in keçmiş baş məşqçisi Aftandil Hacıyev dəfələrlə oyunsonrası mətbuat konfranslarında, müsahibələrində öz komandası qalırdı bir kənarda, başlayırdı Ağdam klubunun şəninə tərəflər səsləndirməyə. Bir dəfə hansısa Premyer Liqa oyunundan sonra “Səbail”in çalışdırıcısı növbəti turda qarşılaşacaqları “Qarabağ”la bağlı sual ünvanlanmışdı. Aftandil Hacıyev isə bildirmişdi ki, “Qarabağ” digər komandalardan 5 baş üstündü. Hansısa azarkeşin belə bir açıqlamasını anlayışla qarşılamaq olar. Lakin bir məşqçinin növbəti turda qarşılaşacağı rəqib haqda belə fikir bildirməsi düzgün deyil. Bu açıqlamanı oxuyan futnolçu sabah meydanda baş məşqçisinin 5 dəfə üstün gördüyü rəqibə qarşı necə mübarizə aparsın?  

Son zamanlar Aftandil Hacıyevin “yerini” Aslan Kərimov tutub. O, hər fürsətdə Ağdam klubu haqda müsbət fikirlər səsləndirir. Amma Kərimovun son çıxışı daha unikaldı. Bu dəfə o, “Qarabağ”ın həkimi qismində açıqlama verib. Qol.az saytının müxbirinin “Neftçi” ilə oyunla bağlı sualını cavablandırarkən Kərimov "Neftçi" ilə oyunda "Qarabağ"ın futbolçularının yarısı qızdırma içində idi" deyib. Görəsən, Aslan bəy həqiqətənmi Ağdam klubunun tibbi personalında işə başlayıb, yoxsa “Azərsun Arena”dakı matçdan öncə bir-bir “Qarabağ”ın futbolçularının hərarətini şəxsən özü ölçdüyü üçün bu qənaətə gəlib?

Aslan Kərimovun “Çempionatın hazırkı durumundan çox da nəsə gözləmirəm. Hər şey artıq məlumdur. Lider dəyişəsi deyil” açıqlaması da müzakirəyə açıqdı. Mən bildiyim qədəri ilə Aslan bəyə jurnalistlər futbol mütəxəssisi kimi müraciət edirlər. Amma nədənsə onun yuxarıdakı cavabı qatı “Qarabağ” azarkeşinin cavabından seçilmir. Məncə, Kərimov unudub ki, daha uzun illərdi “Qarabağ”ın formasını geymir. Amma digər tərəfdən də o, heç futbolçu vaxtı bu cür inamlı açıqlamalar verməzdi...

Lakin Aslan Kərimovun “uzaqgörənliyi” təkcə “Qarabağ”la bitmir. O, artıq “Neftçi”nin də çempionatı hansı yerdə başa vuracağına əmindir: “Ümumiyyətlə, nəinki lider, ilk "3-lük" dəyişməyəcək... "Neftçi" mövsümü elə 3-cü pillədə başa vuracaq”.

Məncə, PFL, “Qarabağ”, “Neftçi” və “Sabah” havayı yerə əziyyət çəkməsin. Qarşıdakı 14 turda bu 3 komanda meydana çıxmasın. PFL elə növbəti turda mükafatlandırma mərasimi təşkil etsin, “Qarabağ”a qızıl, “Sabah”a gümüş, “Neftçi”yə də bürünc medallar təqdim olunsun. Özü də medalları Aslan Kərimov şəxsən təqdim eləsin...

Futbolxeber.az




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2024
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31