"Turan Tovuz"un yeni sponsor: "Xüsusi mükafat mövzusu yoxdur"

“Biz “Turan Tovuz”dan həmişə qələbə gözləyirik. Bu gün də əməkdaşlıq müqaviləsindən sonra komandanın qalib gəlməsi çox xoşdu. Ən vacibi baxımlı bir oyun oldu. Buna görə də futbolçulara təşəkkür edirəm”.

Futbolxeber.az saytına açıqlamasında bu sözləri bu gün “Turan Tovuz”la sponsorluq müqaviləsi imzalayan "Huner Group"un təsisçisi və direktoru Ehtiram Quliyev deyib. 

O, bu görüş üçün xüsusi mükafat ayırmadıqlarını bildirib: "Xüsusi mükafat mövzusu yoxdur. Oyunçular alın tərləri ilə oynadılar. Bizə qədər klubda standart mexanizm necə idisə, elə də davam edir. Hələ ki mükafat mexanizmi barədə məlumatım yoxdur. Sponsorluq müqaviləsi kluba düşərli kimi oldu görsənir. Əsas odur ki, ardı gəlsin". 

Fərəc ASLANOV