"Bavariya" 1-ci, "Mançester Siti" 2-ci, "Qarabağ" isə 66-cıdır

"Opta" statistika platforması dünya klublarının reytinq cədvəlini hazırlayıb.

Futbolxeber.az saytının məlumatına görə, 13500 klubun yer aldığı cədvəldə "Qarabağ" 66-cı klubudur. Ağdam təmsilçisinin 84,3 xalı var. "Braqa" (Portuqaliya) və "Flamenqo" (Braziliya) da eyni xala malikdir.

Azərbaycan Premyer Liqası təmsilçilərindən "Neftçi" (76,8) 256-cı, "Sabah" (76) 287-ci, "Zirə" (72,9) 540-cı, "Qəbələ" (71,3) 693-cü, "Turan Tovuz" (66,8) 1321-ci, "Şamaxı" (66,4) 1407-ci, "Sumqayıt" (65,5) 1575-ci, "Kəpəz" (64,6) 1759-cu, "Səbail" (63,9) isə 1896-cıdır.

Cədvələ "Bavariya" (100) liderlik edir. İngiltərənin "Mançester Siti" klubu (98,9) ikinci, "Liverpul" komandası isə (95,6) üçüncü pillədə qərarlaşıb.