Dieqo Karioka: “Sumqayıt” və Azərbaycan məni müsbət mənada təəccübləndirdi”

Qış fasiləsində “Sumqayıt”a qoşulan Dieqo Karioka yeni klubu ilə bağlı təəssüratlarını bölüşüb. 

Futbolxeber.az saytının məlumatına görə, braziliyalı futbolçu ölkəsinin mətbuatına verdiyi açıqlamada həm “Sumqayıt” klubunun, həm də Azərbaycanın onu müsbət mənada təəccübləndirdiyini bildirib: “Sumqayıt”a uyğunlaşma dönəmim rahat keçdi. Rus dilini öncədən bilirdim. İngilis dilini bilməyim də uyğunlaşma prosesinə çox kömək oldu. Yaşadığım şəhər gözəl, insanlar sakitdirlər. Bura ən yaxşı və sürətli şəkildə uyğunlaşmağım üçün klub mənə hər cür dəstəyi verdi”.

25 yaşlı futboçu Premyer Liqanın XX turunda “Turan Tovuz” üzərində qələbə qazandıqları (2:1) matçı da dəyərləndirib: “Daha sakit və rahat şəkildə yola davam edə bilməyimiz üçün startda qələbə qazanmaq həmişə yaxşıdır. Qısa müddət əvvəl bura gəldiyimi nəzərə alsaq, meydana çıxmaq və qalib gəlmək çox vacib idi. Çünki “Sumqayıt”ın heyətində iştirak etmək üçün səbirsizlənirdim”.