19 Mart 2024, Çərşənbə axşamı
“Ağ-qaralar”ın “Black Friday”i
"Qarabağ" və "Sabah" qalib gəldi
Orxan Əliyev: “Heyif o epizodlardan...”
Sxadadze: “Təzyiq böyükdür”

Ölkə futbolu

Rəşad Sadıqov: “Epizod sarı vərəqlikdirsə, buna görə hakim VAR-a çağırılmır”

“Oyun planlaşdırdığımız keçdi. Pressinq etmək əsas planlarımızdan idi. Oyun nəzarətimizdə keçdi. Standart vəziyyətlər rəqibin üstünlüklərindən biridir. Azlıqda qaldıqdan sonra hücumlarımız oldu. Lakin hesabı bərabərləşdirə bilmədik. “Neftçi”ni qələbə münasibətilə təbrik edirəm”.

Futbolxeber.az saytının məlumatına görə, bu sözləri “Zirə”nin baş məşqçisi Rəşad Sadıqov Azərbaycan Premyer Liqasının XX turu çərçivəsində “Neftçi”yə qarşı keçirdikləri oyun haqda (0:1) danışarkən deyib. 

O, VAR-la bağlı bağlı anlaşılmazlıq olduğunu bildirib: “Əgər epizod sarı vərəqlikdirsə, buna görə hakim VAR-a çağırılmır. VAR-da gündə bir qərar çıxır. Bəlkə də belə qərar var, biz bilmirik? Bilmirəm. VAR-la bağlı çox suallar, qaydalar var. Bu gün ofsaytdan sonra nə üçün hakim VAR-a çağırıldığını bilmirəm”.

Sadıqov komandasının hədəfləri barədə bunları söyləyib: “Bizim hədəfimiz Konfrans Liqasına qatılmaqdır. “Qarabağ”, “Neftçi” böyük komandalardır. Əsas məqsəd dördlüyə düşməkdir. Biz risk etməyə məcburuq. Oyundan qabaq qələbəyə köklənmişdik. Amma olmadı. Dördüncü yeri qoruyub saxlamalıyıq”.

“Zirə”nin çalışdırıcısı komandasının qış fasiləsindən sonrakı çıxışına da toxunub: “Sumqayıt”la oyunda da, bu matçda da komandamdan razı qaldım. Bu gün balanslaşdırılmış oyun gedirdi. Rəqib künc zərbəsindən sonra fərqləndi. Məğlubiyyətə baxmayaraq, yolumuza davam edirik. Gələn il komandamız rəqabətə daha da hazırlıqlı olacaq. Üçlüyə düşmək asan deyil”.

Rəşad Sadıqov qırmızı vərəqə epizodunu belə şərh edib: “Ehtiyatsızlıq ucbatından qırmızı vərəqə aldıq. Bu epizod nizam-intizamla bağlı deyildi. Digər epizodlarda birə-bir mübarizə gedirdi. Bir çox oyunlarda azlıqda qalırıq. Bu məni üzür. Buna baxmayaraq, komandam bu hallarda da sona qədər mübarizə aparır”.

Fərəc ASLANOV




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31