Emreli “Legiya”nın son 10 ildəki bombardirləri siyahısında

Azərbaycanlı futbolçu Mahir Emrelinin keçmiş klubu “Legiya”nın (Polşa) son 10 ildəki bombardirlərinin siyahısı açıqlanıb.

Futbolxeber.az saytının Polşa KİV-inə istinadən verdiyi məlumata görə, bombardirlərin arasında hazırda “Dinamo”da (Zaqreb, Xorvatiya) oynayan Mahir də var. O, Polşa klubunun heyətində 33 oyuna çıxıb və 11 dəfə fərqlənib. 26 yaşlı futbolçunun qol ortalaması 0,33-ə bərabər olub. Mahir belə göstərici ilə 10-cu pillədə qərarlaşıb.

"Legiya"nın son 10 ildəki bombardirləri:

1. Nemanya Nikoliç - 0,64 (55 qol / 86 oyun)

2. Yaroslav Niezqoda - 0,48 (29 qol / 60 oyun)

3. Tomaş Pexart - 0,43 (39 qol / 90 oyun)

4. Marek Saqanovski - 0, 41 (58 qol / 135 oyun)

5. Vladimir Dvalişvili - 0,40 (21 qol / 53 oyun)

6. Daniel Lyuboya - 0,38 (30 qol / 78 oyun)

7. Orlando Sa - 0,36 (15 qol / 42 oyun)

8. Karlitos - 0, 36 (24 qol / 66 oyun)

9. Aleksandar Priyoviç - 0,33 (24 qol / 72 oyun)

10. Mahir Emreli - 0,33 (11 qol / 33 oyun)

Qeyd edək ki, Mahir 2021-ci ilin iyulundan 2022-ci ilin fevral ayınadək "Legiya"da oynayıb.