13 Aprel 2024, Şənbə
Sumqayıtda qalib aşkarlanmadı
XXX turun hakim təyinatları
“Neftçi” əlavə vaxtda məğlub oldu
“Zirə”dən sensasion məğlubiyyət

Ölkə futbolu

Samir Abasov: "Oyunun sonlarını çıxmaqla hər şey yaxşı alındı"

Azərbaycan Premyer Liqasının XX turunda keçirilən "Sumqayıt" - "Turan Tovuz" matçından (2:1) sonra meydan sahibi komandanın baş məşqçisi Samir Abasov jurnalistlərin suallarını cavablandırıb. 

Futbolxeber.az saytının məlumatına görə, təcrübəli mütəxəssis əvvəlcə görüşlə bağlı fikirlərini bildirib: 

- Yaxşı oyun alındı. Komanda şəklində nə etdiyimizi bilirdik. Məşqdə çalışdıqlarımızı meydanda göstərə bildik. Oyunun sonlarını çıxmaqla hər şey yaxşı alındı. Son dəqiqələrdə güclü təzyiqə məruz qaldıq. Yeni transferlər sona qədər ritmi saxlaya bilmədi və bu, oyunumuza təsir etdi. 

- İkinci hissədə təhlükəli əks-hücumlarınız olsa da, son nöqtəni qoya bilmədiz. Bu, nə ilə bağlıdır? 

- Düzdür, epizodlar qol olsaydı, daha rahat olardıq. Sonluğun gəlməməsinin cavabı yoxdur. Bunu şanssızlığa bağlayıram. 

- Qazon sanki çox sulanmışdı, futbolçular çox sürüşürdü...

- Bizim stadionlarda belə problemlər var. Məsələ otdadır. Bu sualın cavabını verə bilmirəm. Su vuruldu-vurulmadı, ot ayağın altından qaçır. Bu, bizim üçün həddindən artıq əziyyətlidir.

- Son dəqiqələrdə gənclərə şans verməyiniz riskli addım deyildi?

- Məcburi dəyişikliklər oldu. Hər riskli vəziyyətdə Nihat və onun kimiləri buraxsaq, yaxşı olar. 

- Qadzenin yerini görünmədi?

- Xeyr. Qadze sürətli hücumlar zamanı axsayırdı. Toplanışa gəlmədi və onu klubdan göndərdik. 

- Ehtiyat oyunçular skamyasının zəifliyini necə şərh edərdiz?

- 2-3 mərkəz müdafiəçimiz var, onlardan 2-si zədəlidir. Nə deyə bilərəm? Ehtiyat oyunçularımızın azlığı zədələrlə bağlıdır. Bu, azı 2-3 həftə çəkəcək. 

- Kərim Abubakar ilk oyununda pis təsir bağışlamadı. Hücumda ona güvənəcəksiz və Kamran Əliyevlə bağlı vəziyyət nə yerdədir? 

- Abubakar hələ ilk oyununa çıxdı. Bu gün çox çalışdı. Kamranla bağlı yaxın zamanda açıqlama olacaq. Məşqlərdə xoş təəssürat bağışlayır.

Fərəc ASLANOV




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2024
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30