29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

Elmar Baxşıyev: "İkinci hissədə istədiyim "Qəbələ"ni gördüm"

Azərbaycan Premyer Liqasının XIX turunun açılış matçında "Qəbələ" Gəncə səfərində xal itirib - 2:2. 

Futbolxeber.az saytının məlumatına görə, oyundan sonra təşkil olunan mətbuat konfransında "Qəbələ"nin baş məşqçisi Elmar Baxşıyev "Kəpəz"lə heç-heçəni belə şərh edib:

"Bilirdik ki, bir aylıq fasilədən sonra ilk rəsmi oyunumuz ağır olacaq. Ona görə ki, "Kəpəz" yaxşı təşkilatlanmış komandadır. Heyıətlərində də güclü və maraqlı futbolçular var. Birinci hissədə oyunumuz istədiyimiz kimi alınmadı. Oyun ritmini qapımıza təyin olunan ilk penalti ilə itirdik. Lakin komandam xarakter nümayiş etdirdi. İkinci hissədə istədiyim "Qəbələ"ni gördüm".

Elmar Baxşıyev qeyd edib ki, komandası matçın gedişini əvəzetmələrlə dəyişməyib: "Rafael Antaylada komanda ilə hazırlıq keçməsə də, fərdi hazırlıq keçib. Oyunun ritmini əvəzetmələrlə dəyişmədik. Sadəcə futbolçular düzgün reaksiya verib, ikinci hissədə daha aqressiv oynamağa çalışdılar. Bizim komandada ehtiyat və əsas heyət üzvü yoxdur. Hər kəs üzərinə düşənin artığını etməyə çalışır". 

"Qəbələ"nin çalışdırıcısı meydanın durumuna da toxunub: "İlk hissədə ağır görsənməyimizin bir səbəbi də meydanda amilidir. Qazon kənardan yaxşı görsənsə də, çox ağırdır. Hətta dünən oyunöncəsi məşqdə 2 futbolçumuzu Asif Məmmədov və Andrey Strijakı itirdik. Adi epizodda zədə aldılar. Bütün bunları nəzərə alaraq, ağır oyun olacağını təxmin etmişdik. Lakin hər iki komandanın futbolçularına alqış düşür ki, yaxşı, dinamik oyun sərgilədilər". 

"Qəbələ"nin çalışdırıcısı yeni transferin olmaması ilə bağlı sualı belə cavablandırıb: "Transfer məsələsində yenilik yoxdur. Mən də heyətin müəyyən dərəcədə geniçş olmasını istərəm. Lakin hələlik büdcədə bir yenilik olmadığı üçün transfer də reallaşdıra bilməmişik". 

O, ilk dəfə baş məşqçi kimi səfər etdiyi Gəncədəki futbolçu atmosferi barədə deyib: "Gəncədə futbol fərqlidi. Yerli azarkeşlər futbolu anlayırlar. Futbol şəhəridi, amma şərait baxımından daha çox şey düzəlməlidi". 

Mütəxəssis hakimlərin idarəçiliyi barədə çox danışmaq istəmədiyini vurğulayıb: "Hakimin üzərində çox dayanmaq istəmirik. Lakin birinci penalti epizodunda futbolçumuz qəsdən kobudluq etməmişdi. Futbolçu əlini açıb qaçmalıdı, gizlədə bilməz. Futbolçumun səmimiyyətinə də inanıram. Onun bilərəkdən kobud oynamaq fikri yox idi". 

"Qəbələ"nin baş məşqçisi sona kimi avrokuboklar uğrunda mübarizə aparacaqlarını söyləyib: "Keçən mövsüm də heç kimi bizi iddialı hesab etmirdi. Lakin komandamız xarakter nümayiş etdirdi. Çalışacağıq ki, bu mövsüm də avrokuboklar uğrunda mübarizə aparaq. Hazırkı heyətimizi qorumaq istəyirik. Tıəklif olsa vbelə, futbolçularımız yola bizimlə davam edəcəklər. Hər iki cəbhədə sona kimi yarışacağıq. Sırf kuboka hazırlaşmaq fikrimiz yoxdur. Çempionatda da mübarizəmizi davam etdirəcəyik". 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31