Hakimlərə hədə-qorxu gəldiyinə görə 5 oyunluq cəzalandı

AFFA İntizam Komitəsinin növbəti iclası keçirilib. 

Futbolxeber.az-ın klubun saytına istinadən verdiyi məlumata görə, iclasda aşağıdakı qərarlar qəbul olunub:

25 dekabr 2022-ci il tarixində AFFA U-14 Liqasında keçirilən “Sumqayıt” - “Lion” FK oyununda “Lion” FK-nın rəsmi şəxsi Mirhadi Abdullayev oyunun hakimlərini təhqir etdiyinə görə o, 3 oyun matçlardan kənarlaşdırılsın.

25 dekabr 2022-ci il tarixində AFFA U-14 Liqasında keçirilən “Sumqayıt” - “Lion” FK oyununda “Lion” FK-nın rəsmi şəxsi Həmid Əliyev oyunun hakimlərinə hədə-qorxu gəldiyinə görə o, 5 oyun matçlardan kənarlaşdırılsın. 

25 dekabr 2022-ci il tarixində AFFA U-14 Liqasında keçirilən “Sumqayıt” - “Lion” FK oyununda “Lion” FK-nın rəsmi şəxsləri tərəfindən edilən hərəkətlərə görə yalnız polisin müdaxiləsindən sonra hakimlərin meydanı tərk edə bilməsi və oyunun 1-ci hissə bitmədən yarımçıq dayandırılmasına görə “Lion” klubuna 0:3 hesabı ilə məğlubiyyət verilsin.