"Sumqayıt" "Arsenal"ın azərbaycanlı futbolçusunu transfer edir

Rusiyanım "Arsenal" klubunun futbolçusu Kamran Əliyev karyerasını Azərbaycanda davam etdirəcək.

Futbolxeber.az saytının məlumatına görə, əslən Azərbaycandan olan 25 yaşlı hücumçu "Sumqayıt"ın Türkiyədəki düşərgəsinə gəlib.

Onunla qarşıdakı günlərdə 2,5 illik müqavilə imzalanacağı gözlənilir. 

Qeyd edək ki, əslən Kamran Bakıda anadan olub və uşaq yaşlarında ailəsiylə birgə Rusiyaya köçüb. Onun peşəkar karyerası Rusiyaya - həm Premyer Liqaya, həm də I Diviziona bağlı olub. 

Əliyev yetirməsi olduğu "Ximki"də daha çox çıxış edib, həmçinin "OİK-Xabarovsk"da oynayıb. O, keçən yay Tula klubuna keçərək, I dəstədə 14 oyunda 3 qol vurub.

Onu da bildirək ki, Kamran U-20 yığmamızın heyətində Bakıda 2 yoldaşlıq görüşündə çıxış edib. O, eyni zamanda Rusiya yığmasında qeyri-rəsmi matçlarda forma geyinib (Sport24.az).