Ölkə futbolu
Fariz Nəcəfov: "Kuboku qazanmaq o qədər də asan məsələ deyil"
“Qəbələ”nin prezidenti Fariz Nəcəfovun müsahibəsi
- Mövsümün ilk yarısını “Qəbələ” üçün necə dəyərləndirirsiniz?
- Təəssüf ki, Avropa səhnəsini tez bağlamalı olduq. İstərdik ki, Konfrans Liqasında daha çox irəliləyək. Lakin soyuq başla geriyə bir daha dönüb baxdığımız zaman nəticənin imkanlarla mütənasib olduğunu yaxşı başa düşürük. Çempionata gəlincə, ilk dövrədə qənaətbəxş çıxış etdik. Komanda 9 oyundan 15 xal topladı ki, bu da sonda “ilk dördlüy”ə düşə bilməyimiz üçün normal xal ehtiyatı hesab oluna bilərdi. Təəssüf ki, ikinci dövrədə bəzi yersiz xallar itirdik. Xüsusilə də, kubokda “Qarabağ” üzərində qələbədən sonra öz meydançamızda “Turan Tovuz”a qalib gələ bilməməyimizə təəssüfləndim. Belə oyunlarda xal itkisi yolverilməzdir. Ümid edirəm ki, qış fasiləsindən sonra komanda bütün matçlara maksimum köklənə biləcək.
- On səkkiz oyunda 7 qələbə, sizcə, aşağı göstərici deyil?
- Turnir cədvəlinin liderlərilə görüşlərdəki xal itkilərini müəyyən qədər anlamaq mümkündür. Amma istər “Qarabağ”, istər “Sabah”, istərsə də “Neftçi”yə qarşı kifayət qədər gözəl oyun nümayiş etdirmişik. Bəzi qarşılaşmalarda futbolçuların qeyri-dəqiqliyi, bəzilərində isə hakim səhvləri ucbatından məğlub olmuşuq. Qeyd olunan bu görüşləri bir kənara qoysaq, ikinci “beşlik”dəki komandalarla oyunlar bizim üçün çox vacib idi. Birinci dövrədə onlar önündə maksimum xal toplasaq da, ikinci dövrədə 4 heç-heçə qeydə alındı. Təbii ki, bu nəticələrdən razı ola bilmərik.
- Turnir cədvəlinə baxdıqda belə qənaətə gəlmək olar ki, mövsümün qalan hissəsində “Qəbələ” ilə “Zirə” arasında 4-cü yer uğrunda mübarizə gedəcək. Bu fikirlə razısınız?
- Müəyyən qədər razıyam. Bunu turnir cədvəlindəki vəziyyət tələb edir. Lakin çempionatın gedişində çox şeylər dəyişə bilər.
- Azərbaycan Kubokunun 1/4 final mərhələsində turnirin son qalibi “Qarabağ”ı mübarizədən kənarlaşdırdınız. Kuboku qazanmaq şansınızı necə görürsünüz?
- Kuboku qazanmaq o qədər də asan məsələ deyil. Təsadüfi deyil ki, indiyədək 9 dəfə yarımfinala vəsiqə qazansaq da, bunlardan yalnız birini xoşbəxt sonluğa çatdıra bilmişik. Kuboku qazanma yolunun çətin olması bizi daha çox motivasiya edəcək. Azarkeşlərimizin inamı və daim yanımızda olmaları bizim üçün əlavə stimuldur.
- Bəzi stadionlarda hələ də süni örtük var. Komandanın tez-tez təbii örtükdən süniyə keçməsi sizi narahat etmir?
- Narahat etsə də, hazırda başqa yol yoxdur. Bilirəm ki, istər AFFA, istərsə də həmin klublar təbii örtüyə keçməyi çox istəyirlər. Ancaq peşəkarlığa doğru addımların mərhələli şəkildə atılmalı olduğuna inanıram. Söz yox ki, matçların süni meydançada oynanılması həm idman prinsiplərinə, həm də Premyer Liqanın imicinə mənfi təsir göstərir.
- Artıq qış fasiləsi yaranıb. Transfer fəaliyyətiniz necə olacaq?
- Sıralarımızı bir futbolçu ilə genişləndirmək istəyirik. Təbii ki, büdcəmiz imkan verərsə. Hazırda bir qədər çətin görünür.
- Bəzi futbolçularınızın adı Premyer Liqanın digər klubları, həmçinin xarici klublarla birgə hallanır. Təklif olarsa, oyunçu satmağa necə yanaşacaqsınız?
- Heç bir futbolçumuzla yollarımızı ayırmaq fikrində deyilik. Amma bəzilərinin müqavilələrində satışa dair bəndlər var. Əgər qeyd olunan çərçivədə təkliflər olsa, heç kimi məcburən saxlaya bilmərik.
- Komandanızın 18 görüşdə 20 qol vurması hücum xəttinin “dişsiz”liyini göstərir. Hücumu gücləndirmək yönündə işlər aparılacaq?
- Komandanın “dişsiz” olduğunu deməzdim. Əsas məqam qol vəziyyətlərinin yaradılmasındadır ki, bu göstəricidə liderlərdən biri olduğumuza inanıram. Bu yanaşma ilə davam edəcəyimiz halda qolların davam edəcəyi də aşkardır. Hücum xəttinin gücləndirilməsi ilə bağlı suala da bir qədər əvvəl cavab verdim.
- Peşəkar Futbol Liqasının prezidenti Elxan Səmədov “Report”a müsahibəsi zamanı Azərbaycan Superkubokunun bərpa oluna biləcəyini söyləyib. Sizin buna reaksiyanız necədir?
- Heç kimə sirr deyil ki, Superkubok oyunu sıradan futbol matçı deyil. Bu görüş yaxşı azarkeş toplamalı, ətrafında marketinq işləri görülməlidir. PFL-in bu sahədəki təcrübəsi imkan verir ki, yaxşı Superkubok oyunu təşkil etsin. Ümid edirəm ki, bu matçda finala layiq olanlar iştirak edərlər.
- Futbol Akademiyasında işlər nə yerdədir?
- Mövsümün əvvəlində də akademiya üçün maliyyə çatışmazlıqlarının olduğunu qeyd etmişdik. Gedişatda nisbətən düzəlmə olmasına baxmayaraq, hələ də kəsirlərimiz var. Belə vəziyyətdə tam qaneedici işdən danışmaq mümkün deyil. Əlimizdə olan imkanlar, kollektivin uzun müddət bizimlə birlikdə çalışması, yaxşı təcrübə toplaması xeyrimizə olan məqamlardır. Lakin günün reallıqları da var. İstər məişət səviyyəsində, istərsə də təlim və tədris işlərində indikindən daha keyfiyyətli işlər görmək mümkündür.
- Yetərli maliyyə imkanının olmaması futbolçu yetişdirməkdə problem yaratmır?
- Bu mövzuda uzun-uzadı danışmaq lazımdır. Qısaca qeyd edim ki, hazırda ciddi iş görmək üçün mütənasib maliyyə tələb olunur. Dövr dəyişir, idmanda tətbiq olunan metodlar, texnologiya yenilənir. Kollektivi inkişaf etdirmək üçün seminarlar, futbolçuları inkişaf etdirmək üçün keyfiyyətli məşq, beynəlxalq yarışlar, peşəkar tibbi, sosial və psixoloji dəstək tələb olunur. Avropa ölkələri irəliyə getdikcə biz yerimizdə saymağa məcburuq. Belə vəziyyətdə isə yalnız ölkə səviyyəsində futbolçular üzə çıxarmaq mümkündür. Lakin xüsusi səylərimiz nəticəsində yaxın vaxtlarda ölkə futboluna yeni adlar qazandıracağımıza heç şübhəm yoxdur. İş hər zaman yalnız maliyyədən asılı olmur.
- “Qəbələ” İdman Klubunda digər idman növləri də fəaliyyət göstərir. Bu sahədə görülən işlər ürəyinizcədir?
- Gələn il digər idman növləri üzrə bölmələrimizin fəaliyyətə başlaması və futbol klubu statusundan idman klubu statusuna keçməyimizin 10 ili tamam olur. İdman sahəsində uğur qazanmaq üçün 10 il qısa müddət olsa da, artıq xeyli gözəl nəticələr var. Qəbələdə cüdo, boks, MMA, yunan-Roma və sərbəst güləş bölmələrimizdə 250 ətrafında yeniyetmə idmanla məşğul olur. Futbolu da əlavə etsək, klubun nəzdindəki idmançı sayı 500 nəfəri keçir ki, bu da Qəbələ şəhərində kifayət qədər yüksək saydır. İdmanın inkişafında kütləviliyin nə qədər vacib olduğunun fərqindəyik. Bununla belə, kütləvilik sonda nəticə gətirməlidir ki, yeniyetmələr üçün yaxşı stimul olsun. Cüdo üzrə Avropa Kubokunun, Avropa Olimpiya Festivalının mükafatçısı, beynəlxalq turnirlərin, Respublika çempionatlarının qalibləri və mükafatçıları, digər növlər üzrə ölkə səviyyəli yarışlarda fərqlənən idmançılarımız kifayət qədərdir. Onlarla yanaşı, klubumuzu təmsil edən peşəkar idmançılarımız da var. Bu məsələdə kəmiyyətə yox, keyfiyyətə baxırıq. Rafael Ağayev, Nəriman Abbasov, Alim Nəbiyev kimi idmançılarımızın nəticələrini sadalamağa ehtiyac duymuram. Bir sözlə, hesab edirəm ki, klubumuz imkanlar daxilində həm futbol, həm də digər idman növlərində maksimum faydalı olmağın öhdəsindən gəlir ("Report").
Şərh yazılmayıb
|
ŞƏRH YAZ
|
Çox oxunan xəbərlər
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- Asif Məmmədov: “Kimsə bunu sübut etsə, üzr istəməyə hazıram”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Minifutbol millimizin heyəti narazılıqla qarşılandı, baş məşqçi danışmaq istəmədi
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- “Aznur”un baş məşqçisi: “Mənim üçün “Birbaşa Bakı” “Zirə”dən daha narahat rəqibdir”
- Ayxan Abbasov: “Komanda adı çəkmək mənə yaraşmaz, amma bu söhbətlər olacaq”
- Avropa çempionatında möhtəşəm nəticə
- Hakimlər “kimə işləyir”? - Araşdırma
- 90-cı dəqiqədə meydana çıxdı, “Neftçi” - “Araz-Naxçıvan” oyununun ən yaxşısı seçildi
- Emin Əmrullayev “Neftçi”ni təbrik edib, AFFA İcraiyyə Komitəsindən danışdı: “Bu nəticəyə görə sevinirik”
- “Futzaldır, minifutboldur, bizim mentalitetlə “1 nömrə” kimi oynamaq çətindir, o potensial bizdə yoxdur”
- Klublar Komitəsinin iclası keçirilib
- Təmkin Xəlilzadə: “Hazırkı Premyer Liqada çoxundan yaxşı oynayaram”
- “Aznur”un kapitanı: “Hədəfimiz final yox, çempionluqdur”
-
20:20
"Zirə"dən vacib qələbə VİDEO
-
19:00
"Səbail" "Qəbələ"yə qarşı (YENİLƏNİR)
-
18:37
Azərbaycan və Kosta Rika Gimnastika Federasiyaları arasında memorandum imzalanıb
-
18:06
"Səbail" - "Qəbələ": Heyətlər açıqlandı
-
17:52
Avropa çempionatında iştirak edəcək Azərbaycan taekvondoçuları bəlli olub
-
17:25
Bakı dünyanın "İdman Paytaxtı” seçilib
-
17:14
"Kocaelispor"un prezidenti Ramilin oyunundan narazı qalıb
-
16:43
Azərbaycanın beynəlxalq kateqoriyalı güləş hakimlərinin sayı artıb
-
16:09
Nazir Ülviyyə Fətəliyevanı qəbul edib
-
15:51
II Liqada hakim təyinatları
-
15:38
Azərbaycan üzgüçüləri Rusiyada 9 medal qazanıblar
-
15:17
Millimizin yeni rəqibi açıqlandı
-
14:49
“Qarabağ”ın mükafatlandırma mərasiminin yeri və məkanı dəyişdi - ÖZƏL
-
14:22
Azərbaycan Basketbol Liqasında yarımfinal oyunlarının tarixləri dəqiqləşib
-
14:05
Bakıda keçirilən atıcılıq üzrə Dünya Kubokunda növbəti mükafatçılar müəyyənləşib
-
13:53
Avropa çempionu olan Ülviyyə Fətəliyevaya mahnı həsr edilib
-
13:36
Azərbaycanı Avropa çempionatlarında 22 samboçu təmsil edəcək
-
13:14
Millimizin seçmə mərhələdəki oyunlarının vaxtı açıqlanıb
-
12:47
Azərbaycan kuboku: Final öncəsi kapitanlardan atmacalı açıqlama
-
12:28
İldar Alekperov: "Həlledici zərbələr çatışmırdı"
-
11:59
Region Liqasında yarımfinal mərhələsinin təqvimi müəyyənləşib
-
11:31
Azərbaycanlı futbolçunun komandasında qalmaqal: "5 aydır köhnəlmiş çörək yeyirik"
-
11:15
"Neftçi"nin təkrarlanan antirekordu
-
11:03
"Sumqayıt" rekordunu təkrarlayıb
-
10:52
Bakı kənd və qəsəbələri arasında ll minifutbol turnirində finalçılar müəyyənləşib
-
10:36
"Qarabağ" "Neftçi" ilə oyunda rekorda imza atıb
-
10:24
"Yarımfinal daha sərt keçəcək"
-
10:11
"Qalatasaray" "Sivasspor"u darmadağın etdi VİDEO
-
09:59
“Vurduğum qoldan zövq aldım”
-
09:47
Coşqun Diniyev “Erzurumspor” üzərində qələbəyə sevindi
-
09:30
"Milan" - "Cenoa" matçında 6 qol VİDEO
-
23:25
Renat ehtiyatda qaldı komandası büdrədi
-
23:08
“Qəbələ”nin 3 futbolçusu “Səbail”ə qarşı oynamayacaq
-
22:44
Şeydayevin komandası darmadağın oldu
-
22:13
Elmar Baxşıyev: “Sabah” bəxt sayəsində qalib gəldi”
-
20:57
“Zirə” ikinci pilləyə yüksəldi, “Araz-Naxçıvan” uduzdu
-
19:39
Ayxan Abbasov: "Rəhbərliyə söz vermişəm, bacarmasam, çıxıb gedəcəm"
-
19:26
Rəşad Sadıqov: "Bizim oyunlarda olan hakim qərarları göz qabağındadır"
-
19:11
Musa Qurbanlının komandası qalib gəldi
-
13:00
Rahilin komandası aşağı liqaya düşdü
-
11:51
Qara dəniz derbisini "Samsunspor" qazandı VİDEO
-
11:42
"Latsio" üçün son dəqiqə şoku VİDEO
-
11:33
"Jirona" "Barselona"nı diz çökdürdü VİDEO
-
11:24
"Real"a çempionluq gətirən qələbə VİDEO
-
11:15
Azərbaycan cüdoçuları Göygoldəki Avropa Kubokunun ilk günündə 10 medal qazanıblar
-
11:08
"Bavariya" uduzdu VİDEO
-
10:56
Bu gün bədii gimnastika üzrə Avropa Kubokuna yekun vurulacaq
-
10:29
Şahruddinin inamlı oyunu qələbə gətirdi VİDEO
-
10:17
Heydər Əliyev Fondunun təşəbbüsü ilə təşkil olunan “Bakı marafonu 2024” start götürüb
-
10:00
"İnter" 29 oyundan sonra uduzdu VİDEO