“Qəbələ” bu baxımdan Avropa klubunu xatırladır"

“Hər iki komanda gözəl oyun göstərdi, meydanda sona kimi gərgin mübarizə getdi". Futbolxeber.az-ın məlumatına görə, bu sözləri "Qəbələ" ilə oyundan sonra "Neftçi"nin məşqçisi Tərlan Əhmədov deyib. O, komandasının istədiyi oyunu göstərdiyini bildirib: "Bura gələndə ötən turlarda “Sumqayıt” və “Qarabağ”la oyunlarda itirilmiş xalları kompensasiya etməyi düşünürdük. Əsas məqsədimiz qələbə qazanmaq idi. Komanda bu gün istədiyimiz oyunu göstərdi, futbolçular verilən tapşırıqları yerinə yetirdilər. Rəqibin ucaboy, fiziki cəhətdən güclü futbolçuları var. “Qəbələ” bu baxımdan Avropa klubunu xatırladır. Bu cür rəqibə qarşı oynamaq çox çətin idi. Qələbə qazandığımız üçün şadam”.