U-21 yığmamızdan böyük hesablı məğlubiyyət

Türkiyənin Antalya şəhərində təlim-məşq toplanışında olan U-21 yığmamız bu gün növbəti beynəlxalq yoldaşlıq oyununa çıxıb.

Futbolxeber.az saytının məlumatına görə, Samir Əliyevin rəhbərlik etdiyi kollektiv isveçli həmyaşıdları ilə qarşılaşıb və 1:8 hesabı ilə uduzub. Yığmamızın heyətində Mustafa Yıldırım (44-cü dəqiqə) fərqlənib. İlk hissə İsveçin 2:1 hesablı qələbəsi ilə başa çatıb. Rəqib sonrakı 6 qolu 70-ci dəqiqədən sonra vurub.

Xatırladaq ki, üç gün öncə yığmamız Macarıstanın U-21 komandasına 0:3 uduzub.