Bədavi Hüseynov millidən kənarda qaldı

“Qarabağ”ın müdafiəçisi Bədavi Hüseynovun adı milli komandamızın heyətindən çıxarılıb.

Futbolxeber.az-ın AFFA-nın saytına istinadən verdiyi məlumata görə, mərkəz müdafiəçisi zədəli olduğu üçün Azərbaycan milli komandasının bu gündən etibarən başlayan təlim-məşq toplanışında iştirak edə bilməyəcək.

Xatırladaq ki, toplanış çərçivəsində millimiz noyabrın 16-da Moldova, 20-də isə Şimali Makedoniya yığması ilə yoldaşlıq oyunu keçirəcək.

Əlavə edək ki, B.Hüseynov dünən Azərbaycan Premyer Liqasının XIV turu çərçivəsində “Sabah”a qarşı keçirilən oyunda (0:0) zədələnərək meydanı vaxtından əvvəl tərk edib.