Yuri Maksimov: “Şamaxı”ya dəvət etdilər, getmədim”

Son olaraq "Vorskla"nı çalışdıran ukraynalı mütəxəssis Yuri Maksimov "Şamaxı"dan iş təklifi alıb.

Futbolxeber.az saytının məlumatına görə, bu barədə 53 yaşlı mütəxəssis özü açıqlama verib. O, Azərbaycan təmsilçisini çalışdırmaqdan imtina etdiyini vurğulayıb:

"Məni Azərbaycana dəvət etdilər. Amma nədənsə dərhal getmək istəmədim. Məni kuboku qazandığım komandaya - "Keşlə"yə çağıdrılar. İndi "Keşlə" deyil, "Şamaxı" adlanır. Mən imtina etdim. Sonra Gürcüstandan da təklif gəldi .Amma oraya da getmək istəmədim. Çünki kiminsə arxasınca, necə deyərlər, zibil təmizləmək istəmirsən. Artıq sıfırdan başlamaq və nəsə etmək istəyirəm".

Qeyd edək ki, Yuri Maksimov "Keşlə"yə 2017/2018-ci illərdə baş məşqçilik edib. O, komandaya Azərbaycan Kubokunu qazandırıb.