AFFA saxtakarlıq etdiyinə görə "Qəbələ"ni cəzalandırdı

Bu gün AFFA İntizam Komitəsinin iclası qəbul edilib. Futbolxeber.az-ın məlumatına görə, toplantıdan 30 sentyabr 2013-cü il U-17 Liqanın “İnter” - “Qəbələ” matçında baş verənlərə hüquqi qiymət verilib və aşağıdakı qərarlar qəbul edilib:

Oyunun 40+1-ci dəqiqəsində “İnter” klubunun 15 №-li futbolçusu Nəriman Hüseynov kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanıb

 Oyunun 40+2-ci dəqiqəsində “İnter” klubunun 5 №-li futbolçusu Kənan Həsənovun hakimləri təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanıb.

 “Qəbələ” klubunun 9 №-li futbolçusu Coşqun Süleymanovun sənədlərinin saxta olması (yaşının azaldılması) aşkar edilib. Bu səbəbdən də, “Qəbələ” klubuna 0:3 hesablı texniki məğlubiyyət verilib, komandanın baş məşqçisi Famil Xəlilova xəbərdarlıq edilib (belə halların yenidən baş vərəcəyi təqdirdə ona qarşı daha ciddi sanksiyalar tətbiq ediləcəkdir) və klub 1000 manat cərimə olunub.