6 Fevral 2026, Cümə
"Yenə də favorit "Qarabağ"dır"
"Neftçi"də braziliyalı vinger?
Azərbaycan futbolunda yenilik
Aərbaycan kubokunun püşkü atılıb

Ölkə futbolu

Kadi Borqes: "Fasilədə baş məşqçi bizə təmkinli olmağımızı dedi"

"Qarabağ"ın futbolçusu Kadi Borqes Azərbaycan Premyer Liqasının 8-ci turunda "Neftçi"yə 3:1 hesabı ilə qalib gəldikləri oyundan sonra jurnalistlərin suallarını cavablandırıb.

- Vurduğunuz qolu övladınıza həsr etdiniz. Bununla bağlı təəssüratlarınız necədir?

- Hisslərimi necə ifadə edəcəyimi bilmirəm. Övladım bir ay öncə dünyaya gəlib. İlk dəfə idi mənim oyunumu izləməyə gəlmişdi. Ümid edirəm ki, qarşıdakı oyunlarda ona çoxlu qol həsr edəcəyəm. 

- Oyunla bağlı fikirləriniz necədir?

- Çətin oyun olacağını bilirdik. Sadəcə düşünürəm ki, birinci hissədə çatışmayan tək şey əldə etdiyimiz qol fürsətlərindən yararlana bilməməyimiz idi. Fasilədə baş məşqçi bizə təmkinli olmağımızı dedi. Topun qapıdan keçəcəyini dedi. Elə də oldu. İkinci hissədə də fürsətlər əldə etdik. Bu dəfə onlardan istifadə edə bildik. 

- Oyun gərgin alındı. Matçın belə keçəcəyini gözləyirdiniz?

- İstənilən oyuna bu istəklə çıxırıq. Görüşün "Neftçi"yə qarşı keçirdiyimizi nəzərə alsaq, bu cür oyun olacağını gözləyirdik.

- Oktyabrın 6-ı "Olimpiakos"la səfər matçı var. Bununla bağlı nə düşünürsünüz?

- Avropa turnirlərində səviyyə hər kəsə bəllidir. Yunanıstan təmsilçisi ilə oyun çətin olacaq. Əsas olan tezliklə həmin oyuna hazır olmağımızdır. 

 

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Fevral 2026
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28