5 Aprel 2025, Şənbə
Millimizin heyəti açıqlandı
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi

Ölkə futbolu

Elmar Baxşıyev: "Qırmızı vərəqədən sonra rahat olmadı"

“Oyunun ağır keçəcəyini bilirdik. “Səbail” heyətində keyfiyyətli futbolçular olan yaxşı komandadır. Məşqlərimizi və oyunlarımızı təbii ot örtüyünə malik meydanda keçiririk. Təbii örtükdən süniyə keçəndə təsirsiz olmur. Ümumi oyunu dəyərləndirsək, komanda meydanda görmək istədiyimiz oyunu nümayiş etdirdi. Düşünülmüş hücumlarımız oldu ki, daim bunun üzərində işləyirik”. 

Futbolxeber.az saytının məlumatına görə, bu sözləri "Qəbələ"nin baş məşqçisi Elmar Baxşıyev Azərbaycan Premyer Liqasının 8-ci turunda səfərdə "Səbail"ə 2:1 hesabı ilə qalib gəldikləri oyundan sonra keçirilən mətbuat konfransında deyib.

O, qələbə münasibəti ilə futbolçularını təbrik edib: "İnanıram ki, qarşıdakı görüşlərdə daha məzmunlu oyun göstərəcəyik. Qırmızı vərəqədən sonra rahat olmadı. Hesab bizi önə çıxmağa məcbur edirdi. Ona görə daha böyük qüvvə ilə hücuma keçirdik. Rəqibin də bizi əks-hücumda yaxalaması normal idi. Komandama təşəkkür edirəm ki, düzgün reaksiya verib qələbə qazandı. Ülvi İsgəndərov komandanın ən önəmli futbolçularından biridir. Bizim heyətdə əsas və ehtiyat oyunçu anlayışı yoxdur. Bu gün Ülviyə şans düşdü və komandaya qələbə qazandırdı. Sabah başqası olacaq. Kollektivin hər üzvü maksimumunu verməyə çalışmalıdır. Rafael Utziq hücumçudur. Forvard da fərdi oynamağa üstünlük verməlidir. Heç kim hücumçuya deyə bilməz ki driblinqə getmə. Utziqdən istədiyimizi ala bilirik. Qarşıdakı turlarda daha yaxşı və özünəinamlı Rafael görəcəyik”.








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30