“Qarabağ” - “Neftçi” oyununun biletləri satışa çıxır

Azərbaycan Premyer Liqasının 8-ci turunda keçiriləcək “Qarabağ” - “Neftçi” qarşılaşmasının biletləri sabah saat 11:00-dan satışa çıxarılacaq. 

Futbolxeber.az saytının Ağdam klubunu feysbuk səhifəsinə istinadən verdiyi məlumata görə, biletlər sabah yalnız onlayn (iticket.az) satılacaq. 

Oyun günü isə biletləri həm iticket.az, həm də “Azersun Arena”nın kassasından almaq mümkün olacaq. 

Biletlərin qiyməti sektorlara uyğun olaraq dəyişir. Qapıarxası və künclərdə yerləşən sektorlar 5 manat, mərkəzi sektorlar 10 manat, VIP biletlər isə 20 manat təşkil edir.

Qeyd edək ki, J1, J2, K1, K2, L1, L2 sektorları “Neftçi” azarkeşləri üçün nəzərdə tutulub.

Əlavə edək ki, qapılar azarkeşlər üçün matçın start fitindən 90 dəqiqə əvvəl açılacaq.