"Futbolçularımız lazım olan xalı qazandılar"

"Bu oyun hər iki komanda üçün xal qazanmaq baxımından çox vacib idi. Komandamızda heyət baxımından sıxıntılar var idi".

Futbolxeber.az saytının məlumatına görə, bu sözləri "Şamaxı"nın baş məşqçisi Vüqar Əsgərli Azərbaycan Premyer Liqasının 6-cı turunda bu gün "Sumqayıt"la keçirilən oyundan sonra mətbuat konfransında deyib 

O, 1:1 hesabı ilə başa çatan matçı belə şərh edib: "Hər şeyə rəğmən. Bura qədər çox xallar itirmişdik. Fərqli iki hissə izlədik. İlk hissədə tez qol buraxmağımız futbolçuları şoka saldı. Amma toparlanmağı bacardılar, qolu vurdular və xal qazandıq".