“Neftçi”, “Qarabağ” və “Qəbələ”ni azarkeşləri xərcə saldı

Bu gün AFFA İntizam Komitəsinin iclası keçirilib. 

Futbolxeber.az-ın qurumun saytına istinadən verdiyi məlumata görə, 26.08.2022-ci il tarixində Azərbaycan Premyer Liqasının IV turunun “Neftçi” - “Zirə” oyununda “Neftçi” klubunun azarkeşləri tərəfindən meydana kənar əşyalar atıldığı klub 1600 manat cərimə olunub.

Həmin oyunda meydana kənar şəxslər daxil olduğu üçün “Neftçi” 1600 manat cərimə olunub.

27.08.2022-ci il tarixində Azərbaycan Premyer Liqasının IV turunun “Qarabağ” - “Şamaxı” oyununda “Qarabağ” klubunun azarkeşləri tərəfindən kütləvi şəkildə təhqiramiz ifadələr işlədildiyi üçün klub 4000 manat cərimə olunub.

28.08.2022-ci il tarixində Azərbaycam Premyer Liqasının IV turunun “Qəbələ” - “Sabah” oyununda “Qəbələ” klubunun 5 futbolçusu sarı vərəqə ilə cəzalandırıldığı üçün klub 800 manat cərimə olunub. 

Oyun zamanı “Qəbələ” klubunun azarkeşləri tərəfindən kütləvi şəkildə təhqiramiz ifadələr işlədildiyi üçün klub 4000 manat cərimə olunub.