“Qarabağ” - “Lex” oyunu Çempionlar Liqasında birinci oldu

Çempionlar Liqasının 1-ci təsnifat mərhələsinin cavab oyunlarını tribunalardan izləyən azarkeşlərin sayı açıqlanıb.

Futbolxeber.az saytının məlumatına görə, 15 oyunu ümumilikdə 95 min 262 tamaşaçı izləyib.

Bakıda keçirilən “Qarabağ” - “Lex” (5:1) matçı bu göstəricidə birincidir. Tofiq Bəhramov adına Respublika Stadionundakı görüşü 27 min 652 fanat tribunadan izləyib.

“Dinamo” (Batumi, Gürcüstan) - “Slovan” (Slovakiya) matçı (20 min 22 tamaşaçı) 2-ci, “Ferensvaroş” (Macarıstan) -“Tobol” (Qazaxıstan) görüşü (17 min 347) 3-cü sıradadır. Digər qarşılaşmaların hər birində isə azarkeş sayı 10 mindən az olub.

Qeyd edək ki, Poznanda keçirilən “Lex” - “Qarabağ” oyunu da ilk matçlar arasında ən çox tamaşaçı toplayan görüş olmuşdu (25 min 118).