"Heç-heçə məğlubiyyətə bərabərdi"

“Rəqib oyuna üç mərkəz müdafiəçi ilə başlamışdı. Oyuna tam nəzarət edirdik, erkən qol vurduq". Futbolxeber.az-ın məlumatına görə, bu sözləri "İnter"lə oyundan sonra "Bakı"nın baş məşqçisi Milinko Pantiç deyib. Pantiç heç-heçənin komandası üçün məğıubiyyətə bərabər olduğunu qeyd edib: "Müdafiədə buraxdığımız bir səhv qapımıza qolla nəticələndi. Yenidən hesabda irəli çıxsaq da, oyunun sonlarına yaxın qapımızdan ikinci qolu buraxdıq. Qalib gələ bilərdik, qol imkanlarımız çox oldu. Mənim üçün bu heç-heçə məğlubiyyətə bərabərdir. İki xal itirdiyimizi düşünürəm. İtirdiyimiz xalları qarşıdakı oyunlarda bərpa etməyə çalışacağıq”.