"Simurq" "Qarabağ"la matça hazırdı

Premyer Liqanın VII turunda "Simurq" "Dalğa Arena"da "Qarabağ"ın qonağı olacaq. Futbolxeber.az-ın məlumatına görə, son iki turda qalib gəlməyi bacaran "Simurq", artıq hazırlıqlarını tamamlayaraq istirahətə çəkilib. Oyunöncəsi bir saata yaxın məşq edən "sarı-qaralar", isinmə hərəkətlərindən sonra qısa ötürəmələrdən ibarət taktiki təmrinləri yerinə yetirib. 3 qrupdan ibarət "kvadrat" oynadıqdan sonra isə ikitərəfli oyunla hazırlıq davam edib. Sonda isə qapıya cinahlardan asmalar və onların qapanması, qapıya zərbələrlə məşq tamamlanıb.

Tam heyətlə bu görüşə hazırlaşan "Simurq", qarşılaşmanın başlama vaxtını gözləyir. Komandanın "Qarabağ"la oyunu klubun rəsmi saytı vasitəsilə canlı yayımlanacaq. Oyun saat 19:30-da start götürəcək.