Konfrans Liqası: "Qarabağ", "Keşlə" və "Sumqayıt"ın potensial rəqibləri məlumdu

Konfrans Liqasında 3-cü təsnifat mərhələsinin püşkü atılıb.

Futbolxeber.az saytının məlumatına görə, turnirdə ölkəmizi təmsil edən "Qarabağ", "Sumqayıt" və "Keşlə"nin də potensial rəqibləri müəyyənləşib.

2-ci mərhələdə İsrailin "Aşdod" klubuna rəqib olan “Qarabağ” mərhələni adlasa, AEL (Kipr) - “Vlajnia” (Albaniya) cütünün qalibi ilə üz-üzə gələcək.

"Çukariçki" (Serbiya) ilə qarşılaşacaq "Sumqayıt" güclü tərəf olduğu təqdirdə, növbəti mərhələdə “Hammarbü” (İsveç) - “Maribor” (Sloveniya) cütünün qalibi ilə qarşılaşacaq.

2-ci raundda "Soçi"nin (Rusiya) rəqibi olan "Keşlə" isə mərhələ adlasa, “Partizan” (Serbiya) - “Dunayska Ştreda” (Slovakiya) cütünün qalibi ilə üz-üzə gələcək.

Qeyd edək ki, 3-cü təsnifat mərhələsinin oyunları 5-12 avqustda keçiriləcək.