“Sabah”da ispaniyalı yarımmüdafiəçi

“Sabah” heyətini yeni futbolçu ilə gücləndirib.

Futbolxeber.az-ın klubun saytına istinadən verdiyi məlumata görə, ispaniyalı vinger Xuan Kamara bundan sonra Bakı klubunda oynayacaq. 27 yaşlı futbolçu Polşanın “Yagelloniya” klubundan bir illik icarəyə götürülüb.

Kamara karyerası ərzində İspaniyanın “Vilyarreal B” (2012-2014), “Barselona B” (2014-2016), “Barselona” (2015-2016), “Jirona” (2016/2017), “Reus Deportiu” (2017/2018), Polşanın “Medz Leqnitsa” (2018/2019), “Yagelloniya” (2019-2020), Rumıniyanın “Dinamo” (Buxarest, 2020) və “Universitatya Krayova” (2021) klublarında çıxış edib. Xuan 5 oyunda İspaniya U-17 millisinin də şərəfini qoruyub.

Yeni transfer “Sabah”da 17 nömrəli formada çıxış edəcək.