Ayxan Abbasov: “Kuboku da Sumqayıta gətirmək istəyirdik”

“Titulu qazanmaq istəyirdik. Bunun üçün çox səy göstərdik. Qələbə qazana bilməsək də, futbolçularımı təbrik edirəm”.

Futbolxeber.az saytının məlumatına görə, bu sözləri ölkə kubokunun finalında “Keşlə”yə 1:2 hesabı ilə uduzan “Sumqayıt”ın baş məşqçisi Ayxan Abbasov deyib.

Abbasov bildirib ki, Sumqayıt azarkeşlərini yenidən sevindirmək istəsəyirdilər: “Mövsümün sonu gərgin alındı. Sıx qrafikdə oynadıq. Yorğunluq var idi. Buna baxmayaraq, bugünkü oyundan razı qaldım. İkinci qoldan sonra oyunu çevirə bilmədik. Azarkeşlərimizi sevindirmək istəyirdik. Bilirik ki, çempionatda üçüncü yer tutmağımız bütün Sumqayıtı sevindirib. Amma kuboku da Sumqayıta gətirmək istəyirdik. Lakin təəssüf ki, alınmadı. “Sumqayıt”ın uğurlu çıxışına inanan az idi. Amma biz futbolçulara, rəhbərliklə inanıb, bu günə gəlib çıxdıq”.