Ramin Quliyev: “Hər iki komanda baxımlı oyun nümayiş etdirməyə çalışdı”

"Sabah”ın baş məşqçisi Ramin Quliyev “Sumqayıt”a qarşı keçirdikləri yoxlama oyununu şərh edib.

Futbolxeber.az saytının məlumatına görə, o, 3:2 hesablı qələbəni belə şərh edib:

“Bu gün oyunçuların son həftə ərzində məşqlərdə işlədiyimiz taktiki gedişləri həyata keçirməsi, ümumiyyətlə, oyuna yanaşmaları tərifə layiq idi. “Sumqayıt” özünəməxsus oyun tərzi olan və sürətli, dinamik futbol oynayan kollektivdir. Fikrimcə, hər iki komanda baxımlı oyun nümayiş etdirməyə çalışdı. Oyunun müsbət cəhətlərindən biri də xeyli gənc oyunçuya oynamağa imkan yaranması və bəzi futbolçuların özlərini çox yaxşı tərəfdən göstərməyi bacarması oldu”.