AFFA Anatoli Nuriyevi Bakıya gətirdi

Ukraynanın "Minay" klubunun futbolçuları Anatoli Nuriyevlə Rüstəm Əhmədzadənin Azərbaycan millisinə cəlb olunması istiqamətində sənədləşmə işləri davam edir.

Futbolxeber.az saytının məlumatına görə, bu barədə AFFA-nın texniki direktoru Cahangir Həsənzadə açıqlama verib.

Onun sözlərinə görə, DÇ-2022-nin seçmə mərhələsinin startınadək hər iki hücumçuya Azərbaycan pasportu təqdim olunacaq. Həsənzadə hətta Nuriyevin bu yaxınlarda Bakıya gəldiyini və müvafiq sənədlərə qol çəkdiyini bildirib.

Qeyd edək ki, Azərbaycan millisi seçmə mərhələdə ilk oyununu martın 24-də səfərdə Portuqaliyaya qarşı keçirəcək (“Report”).