Bəhlul Mustafazadəyə Danimarka klubundan təklif

"Sabah"ın və Azərbaycan millisinin müdafiəçisi Bəhlul Mustafazadə karyerasını Danimarkada davam etdirə bilər.

Futbolxeber.az saytının məlumatına görə, 24 yaşlı futbolçunu “Veyle”nin maraq dairəsindədi.

Danimarkada “transfer pəncərəsi” fevralın 1-nə qədər açıq olduğundan, adıçəkilən klub Mustafazadənin keçidini həmin vaxtadək həll etməyə çalışacaq. Bu, reallaşarsa, "Sabah"lə hələ ilyarımlıq müqaviləsi olan Bəhlul Danimarka Super Liqasında çıxış edən ilk azərbaycanlı futbolçu kimi tarixə düşə bilər.

Qeyd edək ki, "Veyle" 13 turdan sonra 15 xalla 10-cu pillədə qərarlaşıb.