UEFA reytinqində ən yaxşı nəticə "Qarabağ"a məxsusdu

UEFA qitə klublarının 2013/14 mövsümü və son beş mövsüm (2009/10, 2010/11, 2011/12, 2012/13 və 2013/14) üçün reytinq cədvəllərini açıqlayıb. Futbolxeber.az-ın məlumatına görə, cari mövsümdəki çıxışa görə Azərbaycan klubları arasında ən yaxşı göstərici “Qarabağ”a məxsusdur. Ağdam təmsilçisi 237 komandanın yer aldığı siyahıda 43-cüdür. Digər təmsilçilərimizə gəldikdə isə “Neftçi” 74-cü, “Xəzər Lənkəran” 119-cu, “İnter” 120-ci pillədə qərarlaşıb. Amma bu yekun siyahı deyil. Çünki qitə kuboklarında qrup mərhələsinin oyunları start götürdükdən sonra reytinqdə yerdəyişmələrin olacağı dəqiqdir.

Son beş mövsümün nəticələrinə əsasən hazırlanan siyahıda da Azərbaycan klubları arasında “Qarabağ” liderdir. Qurban Qurbanovun komandası 453 komanda arasında 189-cu yeri tutur. "Neftçi" 199-cu, “İnter” 276-cı, “Bakı” 279-cu, “Xəzər Lənkəran” 299-cu, AZAL 377-ci, “Simurq” isə 379-cu yeri tutur.