"Mahir Şükürov və Araz Abdulayevin də bu nəticənin qazanılmasında böyük payı var"

“Neftçi” PFK-nın futbolçusu Cavid İmamverdiyev milli komandamızın srail yığması ilə oyununa münasibət bildirib. Futbolxeber.az-ın məlumatına görə? klubun rəsmi saytına verdiyi açıqlamada İmamverdiyev 1:1-lik heç-heçə yaxşı nəticə adlandırıb: "Millimizin İsrail yığması ilə oyunu çətin, bir o qədər də maraqlı alındı. Belə rəqibə səfərdə qol vurmaq və yekunda heç-heçə etmək məncə yaxşı nəticədi. Hiss olunur ki, milli komanda günü-gündən daha yaxşı təsir bağışlayır. Komanda yoldaşlarım Mahir Şükürov və Araz Abdulayevin də bu nəticənin qazanılmasında böyük payı var. Yığma komandada oynamaq hər bir futbolçu üçün şərəfdir. Mən də öz növbəmdə çalışacam ki, “Neftçi”nin heyətində möhkəmlənib mütəmadi olaraq milli komandanın heyətinə dəvət olunum".