“Sumqayıt” yenidən lider oldu

Azərbaycan Premyer Liqasında ilk dövrəyə yekun vurulub.

Futbolxeber.az saytının məlumatına görə, 7-ci turun ikinci oyun günündə daha 2 qarşılaşma baş tutub.

Günün ilk matçında “Sabah” öz meydanında “Sumqayıt”ı qəbul edib. Rəqibindən üstün olan Ayxan Abbasovun komandası son saniyələrdə vurduğu qollar qələbə qazanıb - 2:1. Bu qələbə sayəsində “Sumqayıt” yenidən turnir cədvəlində lider olub. “Sabah” isə ardıcıl 4-cü dəfə meydanı xalsız tərk edib.

Digər matçda isə “Zirə” “Qarabağ”ı qəbul edib. 90 dəqiqə ərzində qapılara qol vurulmayıb.

Azərbaycan Premyer Liqası

VII tur

25 oktyabr

“Zirə” - “Qarabağ” 0:0

Hakimlər: Rəvan Həmzəzadə, Zeynal Zeynalov, Cəmil Quliyev, Əliyar Ağayev

Qırmızı vərəqə: Rahil Məmmədov, 68 ("Qarabağ")

Zirə İdman Kompleksinin stadionu

“Sabah” - “Sumqayıt” 1:2

Qollar: Əli Qurbani, 27 (0:1), Cavid İmamverdiyev, 64-avtoqol (1:1), Səbuhi Abdullazadə 90+5 (1:2)  

Hakimlər: Elçin Məsiyev, Elşad Abdullayev, Qəzənfər Məmmədov, Rauf Allahverdiyev

“Bank Respublika Arena”

24 oktyabr

“Keşlə” - “Neftçi” 0:1

“Qəbələ” - “Səbail” 1:1

Bombardirlər: Əli Qurbani ("Sumqayıt") - 6 qol, Namiq Ələsgərov ("Neftçi") - 5 qol, Davit Volkov ("Zirə") - 4 qol