Millimizin baş məşqçisi: “Komanda həqiqətən xarakter nümayiş etdirdi”

“İlk öncə rəqib komandanı təbrik edirəm və gələcək oyunlarda onlara uğurlar arzu edirəm”.

Futbolxeber.az-ın AFFA-nın rəsmi saytına istinadən verdiyi məlumata görə, bu sözləri qadınlardan ibarət komandalar arasında Avropa çempionatının seçmə qrup mərhələsi çərçivəsində Varşada keçirilmiş Polşa - Azərbaycan (3:0) oyunundan sonra millimizin baş məşqçisi Siyasət Əsgərov deyib.

O, yığma üzvlərinin oyun praktikasının yoxluğundan əziyyət çəkdiyini qeyd edib:

“Uzun müddət pandemiya ilə əlaqədar məşq etmədik. Bir çox ölkələrdə çempionat dayandırıldıığından legioner futbolçularımızın oyun təcrübəsinin olmaması oyuna öz təsirini göstərdi. Buna baxmayaraq, komandanın oyunundan razıyam. Bu qədər çatışmazlığa rəğmən, komanda həqiqətən xarakter nümayiş etdirdi”.