Eli Qutman: "Azərbaycan millisinin yaxşı oynadığını qeyd etməliyəm"

İsrail millisinin baş məşqçisi Eli Qutman DÇ-2014-ün seçmə mərhələsində yığma komandamız heç-heçə etdikləri oyunu (1:1) şərh edib. Futbolxeber.az-ın məlumatına görə, Qutman komandasının gələcəyi ilə bağlı narahat olmadığını vurğulayıb: "Azərbaycanla oyunda planımız baş tutmadı. İlk hissədə 3-4 qol epizodu yaratsaq da, bunlardan yararlana bilmədi. Bu da rəqibə əlavə stimul verdi. Təbii ki, bu nəticədən razı qala bilmərəm. Qələbə qazanmalı idik. Lakin Azərbaycan millisinin də yaxşı oynadığını qeyd etməliyəm. Çoxlu sayda qol vəziyyətlərim olsa da, yalnız birindən istifadə etdik. Gələcəyimlə bağlı da narahat olmayın. Hər şey yaxşı olacaq. Artıq bütün diqqətimiz Rusiya ilə oyuna yönəldəcəyik. Səfərdə qələbə qazanmaqla iddiamızı davam etdirməyə çalışacağıq".