"Vilyarreal" - "Qarabağ" matçı azarkeşsiz keçiriləcək

İspaniya klubları avrokubokdakı matçlarını azarkeşsiz keçirəcək.

Futbolxeber.az saytının "Marca"ya istinadən verdiyi məlumata görə, ölkə hökuməti bu barədə UEFA-ya məktub göndərib. Bildirilib ki, ilin sonuna qədər stadionlarda azarkeşlər buraxılmayacaq.

Çempionlar Liqasında İspaniyanı "Real Madrid", "Barselona". "Sevilya" və "Atletiko", Avropa Liqasında isə "Qranada", "Real Sosyedad" və "Qarabağ"la birlikdə I qrupunda yer alan "Vilyarreal" təmsil edir.

Qeyd edək ki, "Qarabağ" “Vilyarreal”la ilk oyununu oktyabrın 29-da evdə, təkrar qarşılaşmasını isə dekabrın 10-da səfərdə keçirəcək.

Xatırladaq ki, UEFA-nın qərarına əsasən, fanatlar tribunaların tutumunun 30 faizini doldura bilərlər. Lakin bununla bağlı son qərarın yerli hakimiyyət orqanları tərəfindən veriləcəyi bildirilib.