Qutman Foqtsa qarşı çıxdı

Bu gün DÇ-2014-ün seçmə mərhələsi çərçivəsində millimizi qəbul edəcək İsrail yığmasının baş məşqçisi Eli Qutman oyunöncəsi mətbuat konfransı keçirib. Futbolxeber.az-ın məlumatına görə, Qutman millimizin bu oyuna yaxşı hazırlaşdığını qeyd edib: “Biz Rusiya ilə oyun haqqında fikirləşmirik. Hazırda bizi yalnız Azərbaycan yığması ilə oyun düşündürür. Bütünlüklə nbu oyuna matça köklənmişik. Mətbuat konfransına gəlməzdən öncə bu komandanın oyunlarının vudeogörüntülərinə baxırdıq. Siz də baxsanız görərsiniz ki, onlar Maltaya vurduqları qolları necə fəxrlə bayram edirdilər. Bu qələbə onlar üçün bizimlə oyun öncəsi əla motivasiya olub. Azərbaycan yığması ilə oyun asan keçməyəcək. Çünki onlar Rusiya və Portuqaliya kimi komandalara çətin anlar yaşatmağı bacarıb. Azərbaycanlı futbolçular bura gəlməzdən öncə yaxşı hazırlıq keçiblər”.

Qeyd edək ki, dünən keçirdiyi mətbuat konfransıında millimizin baş məşqçisi Berti Foqts oyuna yaxşı hazırlaşa bilmədiklərini söyləmişdi. Göründüyü kimi, həmkarı verdiyi açıqlamada Foqtsun dediklərinə qarşı çıxıb.