"Pit geri qayıtmayacaq, Toşak isə qalır"

"Adrian Pitin Tuyqun Nadirovla görüşdüyü dəqiqdir. Lakin bu görüş barədə ətralı məlumatım yoxdur. Bu səbəbdən də Pitin verdiyi açıqlamanı şərh edə bilmərəm. Yalnız onu deyə bilərəm ki, rumın futbolçunun yenidən "Xəzər Lənkəran"a qayıtması qeyri-mümkündür". Futbolxeber.az saytına verdiyi açıqlamada bu sözləri "Xəzər Lənkəran"ın mətbuat xidmətinin rəhbəri Hüseyn Cəbrayıloğlu deyib.

Klub rəsmisi son günlər Con Toşakın komandanı tərk edəcəyi haqda yayılan xəbərləri də şərh edib: "Bu xəbərlərin hamısı əsassızdır. Toşakın istefası gündəmdə deyil. Əlbəttə, bu cür çıxış heç kimi qane etmir. Amma komanda rəhbərliyi Toşaka güvənir. İnanırıq ki, növbəti oyunlarda komandamız uğursuzluğa son qoyaraq, ardıcıl qələbələr qazanacaq".