“Sabah”da yeni təyinatlar reallaşdı

“Sabah”ın əvəzedici komandasında məşqçi dəyişikliyi gerçəkləşib.

Futbolxeber.az-ın klubun saytına istinadən verdiyi məlumata görə, İlqar Mənsimov əvəzedici komandanın baş məşqçisi, Saşa Yunisoğlu və İlqar Əliyev isə köməkçi məşqçi vəzifəsinə təyin olunub.

Ötən mövsüm əvəzedici komandanın baş məşqçisi olan Rövşən Babayev isə bundan sonra "Sabah" Futbol Akademiyasında seleksiya xidmətinin rəhbəri vəzifəsini icra edəcək.

Qeyd edək ki, əvəzedici komandaya yeni təyin olunan hər 3 mütəxəssis ötən mövsüm “Sabah”ın U-17 komandasında çalışıb. U-17 komandası 2019/20-ci il mövsümünü çempion kimi başa vurub.