“Zirə”nin “Keşlə”yə qarşı yubiley oyunu

Bu həftə Azərbaycan Premyer Liqasında 4-cü turunda “Zirə” səfərdə “Keşlə” ilə qarşılaşacaq.

Futbolxeber.az saytının klubun Feysbuk səhifəsinə istinadən verdiyi məlumata görə, "qartallar” bu rəqiblə 20-ci dəfə üz-üzə gələcək.

İndiyədək komandalar Premyer Liqa çərçivəsində 19 dəfə görüşüb. Hesabında 5 qələbə olan “Zirə” 8 dəfə meydanı 1 xalla tərk edib. Digər 6 matçda “Keşlə” qalib gəlib. Rəqib qapısından 20 top keçirən komanda 22 qol buraxıb.

Bunadək 10 dəfə rəqibin qonağı olan “qartallar” səfərdə 2 qələbə və 3 heç-heçəyə imza atıb. Meydan sahibləri isə 5 dəfə üç xala sevinib. Top fərqi də rəqibin xeyrinədir - 13:7.

Qeyd edək ki, sentyabrın 26-da “ASK Arena”da keçiriləcək “Keşlə” - “Zirə” matçı saat 20:15-də başlayacaq.