"Bakı" Lansda məşqlərə başladı

“Bakı”nın U-15 komandası Fransanın “Lans” klubunun təlim-məşq bazasında ilk məşqini keçirib. Futbolxeber.az-ın məlumatına görə, məşqdən öncə komandanın oyunçularına “Lans”ın oyun forması hədiyyə olundu. Futbolçular elə  hədiyyə olunmuş formalarda məşqə çıxıb. Məşq “Lans" U-15 komandasının baş məşqçisi  Herve Arsene rəhbərliyi altında keçirilib və əsasən texniki və taktiki təmrinlərə yönəlib.

Qeyd edək ki, bu gündən etibarən komanda üzvləri gündə 2 dəfə məşqə çıxacaq.

Bundan başqa "Bakı"nın nümayəndələri bu axşam yerli vaxtla saat 19:00-da “Lans” FK-nın Akademiyasında “Lans” və Belçika  “Mons” komandaları arasında təşkil olunan yoldaşlıq oyununu izləyəcəklər.